Aningaasaqarnikkut pissutsit ineriartornerat
Naatsorsueqqissaartarfik qaammatikkaartunik qaammatillu pingasukkaartunik kisitsisitigut paasissutissanik aningaasaqarnikkut ineriartornermut nassuiaatitut atorneqarsinnaasunik saqqummiisarpoq.
Tabelimi ataaniittumi aamma kisitsisaataasivimmi kisitsisit takuneqarsinnaapput 2017-imi kvartalit aappaata tungaanut.
Tabeli 1. Kisitsisit tunngaviusut
Nassuiaat: 1) Atugassanik nioqquteqarnikkut kaaviiaartitat nassiussallu annertussusaat ukiup ingerlanera malillugu iluarsineqarput, procentit allannguutaat naqqiinermi kisitsisaalersut malillugit kvartalimut siuliinut naleqqiullugit naatsorsugaapput. Niuertarfeqarnikkut isertitat kaaviiaartitat naleqqersuutaannut allannguut, niuertarfiit kaaviiaartitaannut sunniuteqarsimasinnaavoq. 2) Aningaaserivinnit atortitsinerit aningaaserivimmiititaqarnerillu, obligationitigut akiitsut sinneri taamatullu pisortanut akiitsut procentitigut allannguutaat kvartalimut/ukiup affaanut siulianut naatsorsugaapput.
Najoqqutaq: www.stat.gl/kon
Royal Arctic Line-mi nutaamik IT atorlugu suleriaaseqalernerup kinguneranik angallatitsigut nassiussanut paasissutissat suliarineqarsinnaasimanngillat. Periaaseq allannguallatsillugu Sanaartugassanut Iluarsagassanullu aningaasaateqarfiup atuisimanera pillugu paasissutissat suliarineqartalissapput, taamaattumik atuinerup naatsorsornissaa pisinnaasimanngilaq.
Eqqussuinermi akileraarutinut paasissutissanik tamakkiisumik tigusaqartoqarsimanngimmat eqqussuinermi akileraarutit suli naatsorsorneqarsimanngillat.
Naatsorsukkat amigaatigineqartut saqqummiunneqarsinnaanngussapput paasissutissat taakkununnga tunngasut pigineqalerpata.
Kisitsisit ilaat aalajangersimasut ukiup ingerlanera malillugu iluarsineqarput, taamaasilluni ineriartornerup nalilernissaa ajornannginnerulerpoq. Kisitsisit nassiussanut tunngasut kisitsisaataasivimmiipput ukiumut agguaqatigiissinneri ilanngullugit.
Kisitsisaataasivik
Qulaani tabelimi kisitsisit takutinneqarpoq Naatsorsueqqissaartarfiup Kisitsisaataasivianiipput, naatsorsukkanullu ataasiakkaanut periaatsit nassuiaataat nittartakkami www.stat.gl –imi Aningaasaqarnikkut pissutsinut kisitsisitigut paasissutissanut saqqummersitani nassaarineqarsinnaapput. Annertunerusumik paasisaqarnerorusuttut Anders Blaabjerg oqarasuaammut toqqaannartumut 34 57 81- imut saaffiginnissinnaapput.
PUBLSLUT